កែវ រំចង់ និង​ជើង​​ខ្លាំង​​៣​នាក់​ទៀត​​​​ប៉ះ​​ ថៃ អ៊ីរ៉ង់ ​និង រុស្ស៊ី ខាន​ស្អែក​នេះ

អ្នក​ប្រដាល់​ជើង​ខ្លាំង​ខ្មែរ ៤ រូប​ ​រួម​មាន កីឡាករ ហឹម សារ៉ាន់, សៅ ប៊ុននឿន, ផល សុផាត និង​អ្នក​ប្រដាល់​កម្លាំង​ខ្លាំង​ កែវ រំចង់ ត្រៀម​ខ្លួន​វាយ​ជាមួយ​គូ​ប្រជែង​មក​ពី​បរទេស ចំនួន ៤ រូប​ផ្សេង​ទៀត​ក្នុង​​​កម្មវិធី​ប្រដាល់​អន្តរជាតិ Khmer Fighter ដែល​រៀបចំ​ឡើង​នៅ​សង្វៀន Beeline Arena (ខាងកើតស្ពានជ្រោយចង្វារ) យប់​ថ្ងៃ​ទី ២៧ កញ្ញា ២០១៣ ខាន​ស្អែក​នេះ​។

ការ​ប្រកួត​​នឹង​ចាប់​ផ្ដើម​ពី​ម៉ោង ៧ យប់​តទៅ ដោយ​មិន​មាន​លក់​សំបុត្រ​នោះ​ទេ។ ព្រឹត្តិការណ៍​ប្រដាល់​អន្តរជាតិ​ដែល​តែងតែ​រៀបចំ​ឡើង​នៅ​រៀងរាល់​ចុង​ខែ នីមួយៗ នេះ នឹង​មាន​ផ្សាយ​ផ្ទាល់​តាម​ទូរទស្សន៍​បាយ័ន​​ព័ត៌មាន​ផង​ដែរ​។ កុំ​ភ្លេច​ជួប​គ្នានៅ​​​​ Beeline Arena ដើម្បី​លើក​ទឹក​ចិត្ត​កីឡាករ​ខ្មែរ​យើង!